Tabi Serta Basa Temuai...!

Kini wai......? Lapa tak berumban endar ga pejalai nya.? Ngetu dulu meh ba Penyurai aku tu awak ke kitai ulih bejara ka penemu, bekelala enggau panggan diri lalu berandau ke pengidup jeman tu.

Penyurai tu baru di entak, nyalai tak empai tentu tembu endar ga gaya pelabuh ku tu. Taja pia aku arap ke diri ulih nangkir ia belubah-lubah.

Lalu meh.....!

Ahad, 7 Disember 2008

Pejalai Ngagai Rumah Panjai Aku.






Pejalai ngagai rumah panjai aku enda bangat jauh ari Pasar Song. Enti ngena perau panjai enggau injin 30 kuasa kuda, ia semina pengelama kira-kira sejam. Tang enti ngena perau landas (Rising- kenu ko kami menua nyin) pejalai semina 20 tauka 30 minit aja. Nya enti sema ai sungai besai (bah) lalu nadai bebatak. Enti musim ai langkang, kitai mesti bebatak laban sungai ke kelalu pabu sereta enda ulih dipasang ke injin(moto).

Ketebal agi kami di menua tu, ngena moto ekspres ari Sibu. Pejalai kira 2 jam ari Sibu ke Song. Ari Pasar Song baru ngena perau mudik sungai Katibas lalu terus tama sungai Tekalit. Ba rantau jalai kita deka meda siti menua ti endang diwan mensia kenyau ari kelia menya. Tang meh sayau kitai enda ulih meda kampung jerung sepemanjai mudik batang Katibas laban menua ke udah kunsi ransi bekau ke digasak ke company kayu betebang sereta beambi ke kayu ditambah mega damun sereta tanah di manah udah nyadi temuda nyadi paya ke endur kitai bansa ngidup kediri.

Nyalai, kitai semina bepeluang meda damun, pulau tauka pengerang ba sepemanjai kitai ke mudik Batang Katibas. Pati Batang Katibas ianya Sungai Tekalit. Ari Ng. Tekalit, pejalai kitai semina 30 minit aja ngena perau panjai.

Kita deka datai ba rumah panjai Iban ke nombor 2 ari ili. Nya meh rumah panjai aku, Rh. Enggong, Ng.Nansang, Tekalit, Song.

Lalu meh nemuai....
Dicatat oleh di

Tiada ulasan:

Catat Ulasan

Langgan: Catat Ulasan (Atom)

Mengenai Saya

Foto saya
SONG, SARAWAK, Malaysia
Asal penatai aku ari siti rumah panjai Iban di pelilik menua Song. Nemu kita, dini endur menua ke dikumbai Song? Song, ianya siti pasar ti mit ba Bahagian Kapit di menua Sarawak, Malaysia. Pasar besai ti abis semak enggau ia, ianya Bandar Sibu ti lebih kurang 84 km pejalai nengah sungai Batang Rajang. Pasar Song cukup likun endur diau laban ia semina ulih dilawa ngena Moto Express, enda nyalah-nyalah baka kitai ke ngelawa siti pulau. Nemuai meh ngagai kami di Pasar Song enti sema kita empai kala mindah ngena moto ekpress.